Isbitaalka tababarada iyo Cilmi Baarista Recep Tayyıp Erdoğan ee Muqdisho Soomaaliya-Turkiga ma uusan iloobin qoysaska tabaaleysan ee bisha Ramadaan. Maamulka isbitaalku wuxuu caawin ufidiyay boqolaal qoysas Soomaaliyeed. Waxaa gargaarka bisha Ramadaan loo qeybiyay qoysas kaamamka ku nool oo gaaraayo ilaa 1050 qoys iyo dhamaan shaqaalaha isbitaalka oo ah 650 shaqaale wadarta guud ee gargaarka bisha Ramadaan loo fidiyay waa 1700 qoys. Gargaarka oo lagu qeybinaayay barxada isbitaalka ayaa wuxuu maamulaha isbitaalka Assoc.prof.Dr.İsmayil YILMAZ ku bilaabay bisinka wuxuuna lawadaagay walaalaha Soomaaliyeed salaan uu uga siday Safiirka Jamhuuriyadda Turkiga u fadhiya Soomaaliya mudane Mehmet YILMAZ. Wuxuu kaloo maamuluhu rajeeyay in barnaamijka Masuuliyada bulshada dartiisa in uu Allah wadada qeyrka inooga dhigo.